Sep 09, 2020
မကွေးတိုင်းဒေသကြီး၊မင်းတုန်းမြို့နယ်တွင် ကိုဗစ်-၁၉ စီးပွားရေးကုစားမှု (CERP) အစီအစဉ်ဖြင့် မိုးစပါး စေ့ထုတ်စိုက်ခင်းကို ကျေးရွာအုပ်စု(၂၄)အုပ်စုတွင် တောင်သူ ပေါင်း (၁၂၆)ဦးမှ မနောသုခ (၉၅) ဧက၊ဆင်းသုခ(၁၁၅) ဧက၊မှော်ဘီ-၂ ဧက(၃၀)၊ ပြည်တော်ရင်(၅)ဧက၊ရတနာတိုး(၅)ဧက စုစုပေါင်း ဧက(၂၅၀)စိုက်ပျိုးပြီးစီးပြီ ဖြစ် သည်။
Sep 09, 2020
မကွေးတိုင်းဒေသကြီး ၊ ပွင့်ဖြူမြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မြို့နယ်အတွင်းရှိ ပြည်သူများ ကူးစက်မြန် ကမ္ဘာ့ကပ်ရောဂါ COVID – 19 ရောဂါနှင့် ပက်သက်ပြီး ကြိုတင် ကာကွယ် နိုင်ရန်နှင့် ပါတီစုံဒီမိုကရေစီအထွေထွေ ရွေးကောက်ပွဲတွင် ဆန္ဒမဲပေးပိုင်ခွင့်ရှိသူတိုင်း မဲပေးခွင့် အခွင့် အရေး မဆုံးရှုံးစေရေးအတွက် ရွေးကောက်ပွဲဆိုင်ရာ သိကောင်း စရာများကို မြို့နယ်ရုံး မြေစိုက်ဘုတ် တွင် အသိပညာပေး ပြုလုပ်ပြသထားရှိရာ ယနေ့ နံနက်ပိုင်းက မြို့တွင်း ဖြတ်သန်းသွားလာသော ပြည်သူများက စိတ်ဝင်တစား လေ့လာဖတ်ရှုကြကြောင်း သိရသည်။
Sep 09, 2020
မကွေးတိုင်းဒေသကြီး ၊ ပွင့်ဖြူမြို့နယ်တွင် COVID – 19 ရောဂါ ကူးစက်ပြန့်ပွား မှုမရှိ စေရေးအတွက် ပြည်သူများ အပြင်သွားလာရာ၌ နှာခေါင်းစည်းများ တပ်ဆင်သွားလာရန် အသိပညာပေးလှုပ်ရှားမှုကို အရှိန်အဟုန်မြှင့်တင် ဆောင်ရွက်လျက်ရှိရာ စက်တင်ဘာ ၉ ရက် ၊ ယနေ့ နံနက် ၉ နာရီက ပွင့်ဖြူ - စလင်း - မင်းဘူးသွားကားလမ်း ပွင့်ဖြူမြို့အဝင်/ အထွက်နေရာတွင် စုရပ်ပြုလုပ်၍ နှာခေါင်းစည်း မပါဘဲ အပြင်သွားလာသူများကို ဖမ်းဆီးအရေးယူခြင်းများ ကွင်းဆင်း ကြပ်မတ်ဆောင်ရွက် လျက်ရှိ ကြောင်း သိရသည်။
Sep 09, 2020
မွန်ပြည်နယ် မော်လမြိုင်ခရိုင် မုဒုံမြို့နယ်တွင် ကိုဗစ်-၁၉ စီးပွါးရေး ကုစားမှု အစီစဉ် (CERP) ဖြင့် ထောက်ပံ့မှုအရဆောင်ရွက်သော ပေါ်ဆန်းရင်မျိုးစေ့ထုတ်မိုးစပါး R.S မျိုး (၁၅၀)ဧက ကိုစိုက်ပျိုးရန်လျာထားရာ ယနေ့အချိန်ထိ(၁၅၀)ဧကစိုက်ပျိုးပြီးဖြစ် ကြောင်း မြို့နယ်စိုက်ပျိုးရေးဦးစီးဌာနမှသိရသည်။
Sep 09, 2020
မွန်ပြည်နယ်၊ချောင်းဆုံမြို့နယ်၊ ချောင်းဆုံအရှေ့ပိုင်းရပ်ကွက်တွင် တစ်နိုင်တစ်ပိုင် လုပ် ကိုင် လျက်ရှိသည့် ယိုးဒယားပလတ်စတစ်ခြင်းများကို အိမ်တွင်း စီးပွားဖြစ်လုပ်ကိုင် လျက် ရှိပြီး ကိုဗစ်-၁၉ ရောဂါကာလအတွင်းကြိုတင်မှာယူသူများလာသဖြင့် အဝယ်လိုက် ၍ တိုး ချဲ့ လုပ်ကိုင် ရောင်းချလျက် ရှိကြောင်းသိရသည်။
Sep 09, 2020
ပြန်ကြားရေးဝန်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာန၊ စာပေဗိမာန်က ၂၀၁၈ ခုနှစ်အတွက် စာပေဗိမာန်စာမူဆု၊ ကဗျာပေါင်းချုပ် ပထမဆုရရှိသည့် စာရေးဆရာ မောင်ဟန်တင့် (ပင်လည်ဘူး)၏ “စိန်စီသောမြစ်နှင့် အခြားကဗျာများ” စာအုပ်ကို ဖြန့်ချိရောင်းချလျက် ရှိပါသည်။
Sep 09, 2020
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် NDAA (မိုင်းလား)အဖွဲ့မှ တာဝန်ရှိသူများနှင့် ယမန်နေ့မွန်းလွဲပိုင်းတွင် တြိဂံဒေသတိုင်းစစ်ဌာနချုပ် ရွှေတြိဂံဧည့်ခန်းမဆောင်၌ တွေ့ဆုံသည်။
Sep 09, 2020
အာဆီယံ- ကိုရီးယားစင်တာသည် Maekyung Media Group နှင့် ပူးပေါင်း၍ ASEAN Entrepreneur Award ကို ၂၀၁၆ ခုနှစ်မှ စတင်ကာ ASEAN ဒေသတွင်းရှိ ထူးချွန်ထက်မြက်သော စီးပွားရေး လုပ်ငန်းရှင်များအား ပေးအပ်ချီးမြှင့်လျက်ရှိရာ 5th ASEAN Entrepreneur Award 2020 အတွက် မြန်မာနိုင်ငံမှ ဒေါ်နန်းခမ်းနောင့် (Deputy CEO ၊ KBZ Bank Limited) သည် Empowering women ကဏ္ဍတွက် ရွေးချယ်ခြင်းခံခဲ့ရကြောင်း သိရသည်။
Sep 09, 2020
မြန်မာ့ရုပ်ရှင် ရာပြည့်အထိမ်းအမှတ် ရုပ်မြင်သံကြားဉာဏ်စမ်းပဟေဠိပြိုင်ပွဲ ယှဉ်ပြိုင်မှု ရိုက်ကူးရေးအစီအစဉ်များကို ယမန်နေ့က ရန်ကုန်မြို့ မြန်မာ့အသံနှင့်ရုပ်မြင်သံကြား၌ စတင်ကျင်းပခဲ့သည်။
Sep 09, 2020
အားကစားဖွံ့ဖြိုးတိုးတက်ရေးအတွက် ရှေ့လာမည့်ငါးနှစ်အတွင်း ဆောင်ရွက်မည့်အစီအမံများ နှစ်အပိုင်းအခြားအလိုက် စီမံချက်ရေးဆွဲခြင်းညှိနှိုင်းအစည်းအဝေးကို ယနေ့နံနက် ၁၀ နာရီက ကျန်းမာရေးနှင့်အားကစားဝန်ကြီးဌာန အားကစားနှင့်ကာယပညာဦးစီးဌာန၌ ဗီဒီယိုကွန်ဖရင့်ဖြင့် ကျင်းပသည်။
Sep 09, 2020
တိုင်းရင်းသားစည်းလုံးညီညွတ်ရေးပါတီ ဗဟိုအလုပ်အမှုဆောင်ကော်မတီဝင် ဦးမြင့်ဦးက ၎င်းတို့၏ မူဝါဒ၊ သဘောထား၊ လုပ်ငန်းစဉ်စသည်တို့ကို စက်တင်ဘာ ၈ ရက် ညပိုင်းတွင် ရေဒီယိုနှင့်ရုပ်မြင်သံကြားအစီအစဉ်များမှ ဟောပြောတင်ပြခဲ့ပါသည်။
Sep 09, 2020
ဒီတစ်ပတ်စကားဝိုင်းမှာ ပြောမယ့်မင်းသားကတော့ လူချောမင်းသားလို့ ပြောရပါလိမ့်မယ်။ ဘာလို့လဲဆိုတော့ လူချောလူလှမင်းသားတွေထဲက ကံအားလျော်စွာကျန်နေတဲ့ မင်းသားတစ်ဦးနဲ့ ရုပ်ရှင်စကားဝိုင်းကို ပြောကြားမှာဖြစ်ပါတယ်။ ကျွန်တော်ကတော့ သူ့ကိုမင်းသားကြီးလို့ပဲ ခေါ်ပါတယ်။ ဘာဖြစ်လို့လဲဆိုတော့ သူ့နာမည်က အင်မတန်နာမည်တူများပါတယ်။ ကျွန်တော်နဲ့ ပထမဆုံးရုပ်ရှင်စကားဝိုင်းမှာ စပြီးတော့ ဆွေးနွေးတဲ့ပုဂ္ဂိုလ်ကလည်း ရုပ်ရှင်မှာဘီအေဘွဲ့ရတဲ့ ပုဂ္ဂိုလ်ကြီးဖြစ်ပါတယ်။ သူ့နာမည်က ဦးမြင့်စိုး ဖြစ်ပါတယ်။
Sep 09, 2020
ရခိုင်ပြည်နယ်၊ ကျောက်တော်မြို့နယ် ဘုရားပေါင်းကျေးရွာနှင့် တောင်ပေါက်ကျေးရွာရှိ နေအိမ်တချို့ မီးရှို့ဖျက်ဆီးခံရမှုမှာ AA အကြမ်းဖက်သောင်း ကျန်းသူများက မီးရှို့ဖျက်ဆီးခဲ့ခြင်းဖြစ်သည်ဟု စစ်ဆေးသိရှိရကြောင်း တပ်မတော်သတင်းမှန်ပြန်ကြားရေးအဖွဲ့၏သတင်းထုတ်ပြန်ချက်အရ သိရသည်။
Sep 09, 2020
ပြီးခဲ့သည့် သြဂုတ်လ ဒုတိယပတ်မှစတင်၍ ရခိုင်ပြည်နယ်တွင် အရှိန်အဟုန် ဖြင့် မြင့်မားလာသော ကိုဗစ်-၁၉ ရောဂါသည် ယခုအခါ တည်ငြိမ်စပြုလာသော်လည်း ရန်ကုန်မြို့တွင် အရှိန်အဟုန်ဖြင့် တိုးတက်ဖြစ်ပေါ်နေသည်။ ရခိုင်ပြည်နယ်တွင် ရောဂါဖြစ်ပွားမှု အရှိန်မတက်လာသဖြင့် ကိုဗစ်-၁၉ ရောဂါကို စတင်ထိန်းချုပ်နိုင်ပြီဟု ခန့်မှန်းနိုင်သည်။ သို့သော် ရန်ကုန်တွင် တစ်နေ့လျှင် လူတစ်ရာခန့် ရောဂါဖြစ်ပွားနေဆဲဖြစ်ရာ ကိုဗစ်စိန်ခေါ်မှုကြီးကို ကျော်လွှားထိန်းချုပ်နိုင်ရန် ဝိုင်းဝန်းကြိုးပမ်းရမည် ဖြစ်သည်။
Sep 08, 2020
၁။ (၈-၉ -၂၀၂၀) ရက်နေ့အတွက် COVID-19 ရောဂါ ဓာတ်ခွဲစစ်ဆေးရာတွင် -
Sep 08, 2020
ကိုဗစ်-၁၉ စီးပွားရေးကုစားမှုအစီအစဉ် (COVID-19 Economic Relief Plan-CERP) အရ ရခိုင်ပြည်နယ် အတွင်းရှိ IDP/ တိုက်ပွဲရှောင်စခန်းများမှ နေရပ်စွန့်ခွာအိမ်ထောင်စုများ စားသောက်ကုန်(၅)မျိုး ဝယ်ယူရန် အိမ်ထောင်စု(၁)စုလျှင် ငွေကျပ် (၄၀,၀၀ဝိ/-)နှုန်းဖြင့် ထောက်ပံ့နိုင်ရေးအတွက် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးမှ ရခိုင်ပြည်နယ်ဝန်ကြီးချုပ် ဦးဆောင်သည့် ရခိုင်ပြည်နယ်အစိုးရ အဖွဲ့သို့ ထောက်ပံ့ငွေ လွှဲပြောင်း ပေးအပ်ပွဲ အခမ်းအနားကို ဩဂုတ် ၂၁ ရက်တွင် Virtual Meeting အဖြစ် ကျင်းပခဲ့သည်။
Sep 08, 2020
COVID-19 ကူးစက်ရောဂါကာလအတွင်း၌ မြန်မာနိုင်ငံသို့ ပြန်လည်သွားရောက်လိုသည့် မြန်မာနိုင်ငံသားများအတွက် မြန်မာသံရုံး၊ ဆိုးလ်မြို့သည် ၈-၉-၂၀၂၀ ရက်တွင် မြန်မာအပြည်ပြည်ဆိုင်ရာ လေကြောင်းလိုင်း (MAI) ဖြင့် (၂၁) ကြိမ်မြောက် ကယ်ဆယ်ရေးလေယာဉ် ပျံသန်းပြေးဆွဲပေးနိုင်ရေး စီစဉ်ပေးခဲ့ပါသည်။
Sep 08, 2020
စာပေမူပိုင်ခွင့်ဆိုင်ရာ စုပေါင်းစီမံခန့်ခွဲသည့် အဖွဲ့အစည်းဖြစ်မြောက်ရေးကော်မတီ ပထမအကြိမ် လုပ်ငန်းညှိနှိုင်း အစည်းအဝေးကို ယနေ့မွန်းလွဲ ၂ နာရီအချိန်တွင် Video Conferencing စနစ်ဖြင့် ကျင်းပရာဖြစ်မြောက်ရေးကော်မတီ ဥက္ကဋ္ဌ ဉီးကျော်စွာ (ချစ်ဉီးညို) ၊ ဒုတိယဥက္ကဋ္ဌများဖြစ်ကြသည့် ဦးမြင့်ထွန်း၊ ဦးသောင်းစုငြိမ်းနှင့် အဖွဲ့ဝင်များ တက်ရောက်ဆွေးနွေးကြသည်။
Sep 08, 2020
ကချင်ပြည်နယ်အတွင်း ရွေးကောက်ပွဲအောင်မြင်စွာ ကျင်းပပြုလုပ်နိုင်ရေးအတွက် ပြည်နယ် ရွေးကောက်ပွဲကော်မရှင်အဖွဲ့ခွဲနှင့် ပေါင်းစပ်ညှိနှိုင်းဆောင်ရွက်ပေးရမည့် ကိစ္စရပ်များနှင့် ၂၀၁၉-၂၀၂၀ ဘဏ္ဍာရေးနှစ် လုပ်ငန်းဆောင်ရွက်ပြီးစီးမှု အခြေအနေများနှင့် ပတ်သက်၍ လုပ်ငန်းညှိနှိုင်းဆွေးနွေးပွဲကို ယမန်နေ့တွင် ပြည်နယ်အစိုးရအဖွဲ့ရုံး မလိခခန်းမ၌ ကျင်းပပြုလုပ်ခဲ့သည်။
Sep 08, 2020
၁၉၇၃ ခုနှစ် ဇူလိုင်လမှ စတင်ထုတ်ဝေခဲ့ပြီး နှစ်ပေါင်း ၄၀ ကျော် စာချစ်သူများ လက်ခံအားပေးလာခဲ့သော သုတပဒေသာစာစောင်ကို မျက်နှာဖုံးဒီဇိုင်း၊ အကြောင်းအရာနှင့် စာအုပ်အပြင်အဆင်တို့ အပြောင်းအလဲများပြုလုပ်ပြီး အသက် ၁၈ နှစ်မှ ၂၅ နှစ်အတွင်းရှိ လူငယ်များကို ဦးတည်ပရိသတ်အဖြစ်ထားကာ လစဉ်ထုတ်ဝေလျက်ရှိသည်။ နိုင်ငံတကာထုတ် စာအုပ်စာစောင်များမှ ကောင်းနိုးရာ ခေတ်မီအကြောင်းအရာများနှင့် ယခုလအတွက် အထူးပြုရေးသားသည့် “ဩဂဲနစ်အစားအစာနှင့် ကျန်းမာရေး” မျက်နှာဖုံးဆောင်းပါးကြီးများ ပါဝင်သော သုတပဒေသာစာစောင် (စက်တင်ဘာလ)ကို ပုံနှိပ်ရေးနှင့် ထုတ်ဝေ ရေးဦးစီးဌာန စာပေဗိမာန်က ဖြန့်ချိလိုက်ပြီဖြစ်သည်။